Ел Класико се наближува . Најважниот дуел во Шпанија е на агендата овој викенд, но за прв пат по доаѓањето во „кралскиот клуб“,
Жозе Мурињо ја има пол позицијата.
Неговиот тим е на врвот од Примера, а тимот од Каталонија го следи во чекор со три бода помалку, но вистинската дилема за „специјалниот“ во изминатите неколку дена беше дали да го стави Месут Озил во стартниот тим. Според последните најави од Мадрид, Жозе ќе го започне натпреварот со Ди Марија, Роналдо, а „специјалниот“ се уште не е сигурен за Бензема или Игуаин.
А што е со предвидувањата од експертите за конечниот резултат? 3-2 за „кралевите“ на Сантијаго Бернабе. Барселона се силен тим, но полека го губат чекорот и доминацијата. Одбраната не е гранитна како во изминатите неколку сезони, а и нападот не е сјаен . Сепак, не смее да се заборави и дека најдобрите фудбалери од двата тима се борат за „Златната топка“ па овој натпревар ќе им значи многу повеќе на Меси и Роналдо. Медиумите предвидуваат дека ќе пружат отпор, но победникот од овој натпревар ќе биде тимот на Мурињо. Тој има и специјален мотив за одмазда по минатогодишниот дебакл од 5-0 па затоа Жозе сака да се одмазди на својот „специјален“ начин.