Италијанскиот шампион Милан ја одби понудата вредна 28 милиони евра од ПСЖ за трансфер на напаѓачот Алесандре Пато на Паркот на принцовите, соопштува Газета дело Спорт. Францускиот клуб неодамна го именува Карло Анчелоти за нов тренер и најави врвни фудбалски засилувања во јануари меѓу кои и голгетерот на Милан Пато. Наводно во вторникот на адресата на Милан пристигнала понуда од 28 милиони евра, меѓутоа "росонерите" експресно ја одбиле.
Според француските медиуми, понудата не е 28 милиони туку 22 милиони евра, а од ПСЖ планираат да ја подигнат понудата до 30 милиони евра. Меѓутоа, прашање дали и таа сума ќе е доволна да ги натера луѓето од Милан да се ослободат од одличниот напаѓач бидејќи тие го проценуваат меѓу 40 и 45 милиони евра. Овие суми се многу повисоки од она што го нудат Французите па доколку се случи нешто неочекувано трансферот, најверојатно, ќе пропадне.
ПСЖ покрај Пато се интересира и за играчот на Реал Мадрид Рикардо Кака. Тој ќе биде следната нивна цел.