Македонскиот репрезентативец Горан Пандев со голот во 86.минута на синоќешниот натпревар од осминафиналето на италијанскиот куп и донесе победа на својата екипа Наполи од 2:1 и пласман во четвртфиналето.
Екипата на Чезена поведе во 20.минута преку Стефан Попеску, а Наполи пресвртот го направи во вториот дел. Најпрвин преку Единсон Кавани во 65.минута го изедначи резултатот, а на четири минути до крајот Пандев ја затресе мрежата за победа на својата екипа.
Покрај Наполи пласман во четвртфиналето имаат изборено уште: Јувентус, Сиена, Лацио, Киево и Рома.
Последните два осминафинални натпревара Милан – Новара и Интер – Џенова се играат на 18 и 19.јануари.