Француските медиуми вчера трасираа бомбастична вест со која тврдат дека ПСЖ постигнала договор со Милан за трансфер на бразилскиот гол-мајстор Алесандре Пато и тоа за фантастични 35 милиони евра. Медиумите отидоа и подалеку од тоа изнесувајќи и детали од договорот, па според нив ПСЖ на Милан ќе му плати 28 милиони евра во кеш плус уште седум милиони во вид на бонуси.
Бразилскиот напаѓач ќе треба да потпише четири и полгодишен договор и ќе заработува од седум до осум милиони евра годишно. Неговиот агент денеска треба да пристигне во Париз на заврши разговори, додека фудбалерот, кој има 51 гол во 111 прволигашки средби за тимот од Сан Сиро ќе пристигне на официјално потпишување на договорот во понеделник или во вторник откако ќе го одигра градското дерби против Интер в недела.
Доколку е ова точно, тоа значи дека Карлос Тевез дефинитивно ќе го засили Милан. Парите кои ќе бидат добиени од продажбата на Бразилецот ќе бидат префрлени на сметката на Манчестер Сити и со тоа ќе го комплетираат договорот со проблематичниот Аргентинец. Како што е познато претходно, Милан ги има договорено личните услови со играчот.