Откако е на клупата на Барселона Пеп Гвардиола, Каталонците имаат одиграно 222 официјални средби, а на нив се забележани 160 победи, 44 реми резултати и само 18 порази.
Ова се бројки со кои Пеп се уште заостанува зад легендарниот Јохан Кројф, кој со 250 победи на 430 средби засега е далеку пред Гвардиола.
Сепак, ако се пресмета коефициентот на успешност тогаш дефинитивно е јасно дека Гвардиола е во предност. Тој има 72 проценти на победи во досегашната работа како тренер на Барса, за разлика од Холанѓанецот, кој имаше нешто повеќе од 58 проценти на победи.
Затоа, пак, Пеп успеа да стигне до 13 титули од можните 16 во последните сезони и дефинитивно е најуспешниот тренер во историјата на клубот.