Рафаел Бенитез е на резервната листа на менаџери на Роман Абрамович, во случај сегашниот менаџер на Челзи, Андре Вилаш Боаш да добие отказ.
Според англиските медиуми, тренерската позиција на Боаш во Челзи се држи на „стаклени нозе“ и уште еден пораз би бил причина да добие отказ од Абрамович. Сопственикот на Челзи исто така го имал в предвид и поранешниот селектор на Англија, Фабио Капело, но тој не се согласил да потпише краткотраен договор од само неколку месеци, до крајот на регуларната сезона.
Челзи моментално се наоѓа на 5-та позиција во Премиер лигата а денеска тимот го очекува тешко гостување во Неапол против тимот на Наполи во Лигата на шампионите. Последната тренерска позиција на Бенитез беше во Милан, а без ангажман е од крајот на 2010 година.
И покрај шпекулациите дека Андре Вилаш Боаш ќе добие отказ од Абрамович, тој и понатаму во изјавите нагласува дека нема тоа да се случи и дека сопственикот има доверба во него.