Тренерот на ПСЖ, Карло Анчелоти сака да го види во својот тим искусниот фудбалер на Челзи, Франк Лампард. Со ова тој сака да го има во клубот фудбалерот кој беше лидер во средниот ред во времето кога тој го предводеше составот на Челзи.
Во последно време Лампард не е на нивото на кое играше во минатите неколку сезони. Не добива доволно голема минутажа од страна на Андре Вијас-Боаш и е незадоволен од сето она што се случува во клубот. Оттаму се повеќе се зборува дека ќе го напушти клубот.
Дополнителна причина беше и фактот дека Лампард не доби можност да игра во Лигата на шампионите против Наполи, па ова е шанса на Анчелоти да го донесе во ПСЖ. Искусниот Италијанец веќе почнал да притиска кај раководството на клубот од Франција да направи се за да го ангажира ветеранот од Лондон.
Според Анчелоти, Лампард ќе донесе квалитет во тимот, а воедно со своето искуство ќе придонесе за добри резултати на екипата и сигурно ќе помогне многу во развојот.