Фудбалската федерација на Македонија денеска со допис ги извести клубовите Тетекс, Напредок, Шкендија и Вардар, дека нивните одложени натпревари од 20.коло во Првата лига ќе бидат одиграни утре и в четврток.
За утре од 14 часот во Тетово е закажан натпреварот Тетекс - Напредок, а во истиот термин и на истото место, в четврток ќе се одигра дербито Шкендија - Вардар.
ФФМ ги задолжи екипите домаќини кои ја имаат улогата на организатори, да ги преземат сите мерки согласно Правилниците на федерацијата и законските прописи во државата.
Посебно оваа препорака се однесува за дуелот в четврток кога во Тетово гостува лидерот Вардар. Оваа средба е прогласена за „натпревар од зголемен ризик“.