Тренерот на Барселона, Пеп Гвардиола, денеска на прес конференција во стадионот Камп Ноу потврди дека ќе си замине од позицијата тренер на клубот по завршувањето на моменталната сезона во шпанската Ла Лига.
Пеп Гвардиола помина 4 сезони како тренер на Барселона, а беше дел од клубот и во текот на професионалната кариера како фудбалер.
На прес конференцијата, Гвардиола потврди дека им соопштил на челните лица на клубот дека ќе си замине уште минатата година, но тоа не им го соопштил на играчите до сега.
За наследник на Гвардила е именуван досегашниот асистент, Тито Виланова, иако потенцијални кандидати за замена на Гвардиола беа и Луис Енрике, Ернесто Валверде, Андрес Вилаш Боаш, Марсело Биелса и Лорен Бланк.
Во 4-те години како тренер, Гвардиола освои вкупно 13 трофеи, меѓу кои и двата трофеи од Лигата на шампиони и 3 титули во Ла Лигата.