Сопственикот на фудбалскиот клуб Милан, Силвио Берлускони, јавно му порача на Марио Балотели дека ќе треба да се однесува примерно доколку сака подолго да остане во дресот на црвено-црните.
-Се надевам дека ќе продолжи со сјајната игра. За тренинзите и за натпреварите немам никаква забелешка, но се плашам дека може да биде испровоциран кога ќе излезе на улица. Без разлика на сè, тој стана голема ѕвезда и кога ќе се појави во јавноста го запира сообраќајот во Милано, изјави Берлускони за италијанските медиуми.
Поранешниот италијански премиер верува дека фамозниот Супер Марио е одличен играч, но мора да научи како да не претерува во своите реакции.
-Ние сме со него, но мора да се промени надвор од теренот, додава Силвио.