Протестите во Бразил продолжуваат. Повеќе од 200.000 демонстранти повторно излегоа на улиците на најголемите градови во Бразил, Сао Паоло, Бразилија и Рио де Жаниеро во знак на протест против организацијата на Мундијалот во 2014-та година.
Тие го искажаа незадоволството од трошоците за организацијата на Мундијалот, покачените цени на јавниот превоз во овие градови и зголемените даноци.
Дури и претседателката на Бразил, Дилма Русеф ги поддржа демонстрантите (бидејќи и таа самата била демонстратор, лево-ориентирана герила и затворена за време на диктатурата во Бразил), но за сега не вети промени во агендата.
Подготовките за Мундијалот во Бразил 2014-та година ќе продолжат.
