Фудбалерите на Реал Мадрид во првата тренинг-средба ова лето во Бурнемут го победија истоимениот англиски второлигаш со 6-0.
Кристиано Роналдо ги даде првите два гола, првиот со мајсторски шут од слободен удар, во 22. и 41. минута, за потоа на листата на стрелците да се запишат и Кедира (43), Игуаин (47), Ди Мариа (68) и Касемиро во 83. минута.
Мадридската екипа од клупата за прв пат ја водеше Карло Анчелоти со поддршка на Зинедин Зидан.
За да ги гледаат мајсториите на Роналдо и Реал, навивачите морале да платат влезници од 230 евра.