Аргентинскиот стратег Херардо Мартино е назначен за нов тренер на Барселона. Популарниот Тата на чело на каталонскиот гигант доаѓа на местото на Тито Виланова кој поради здравствени проблеми беше приморан да си замине.
Марино веќе потпишал тригодишен договор со актуелниот првак на Шпанија и еден од најдобрите тимови во светот. Негови помошници ќе бидат Елвио Паолоросо и Хорхе Паутасо, со кои и порано имаат работено со него.
Барселона беше приморана да бара нов стратег, откако зиненадувачки Виланова во петокот најави дека ќе се повлече од функцијата. Единствена причина за заминувањето на Тито беше неговата болест. пред една и пол година му беше откриен рак на грлото, болест која може да биде смртоносна. Тренерот беше на операција, а потоа и на неколкумесечни хемотераписки третмани. Сепак последните прегледи констатирале дека е потребна нова операција, по што Виланова реши да се фокусира само на лекувањето и се повлече од клупата на шампионот.