Најдобриот фудбалер на денешницата, Лионел Меси, откри дека нема замешано никакви прсти кога е во прашање новиот тренер на каталонскиот гигант Барселона, Херардо Мартино.
Поранешниот селектор на Парагвај и тренер на аргентинскиот прволигаш Њуелс Олд Бојс веќе го потпиша понудениот 2-годишен договор, а фудбалските медиуми ја пласираа информацијата дека е ангажира по сугестија на неговиот сонародник, Лионел Меси.
„Јас немам ништо со ангажманот на Мартино. Нема што да објаснувам. Тоа е работа на клупскиот претседател, Сандро Росле и на клупските челници. Тие го имаат последниот збор, тие одлучуваат. Јас само кажав дека станува збор за добар тренер. Не го познавам лично, никогаш не сум имал контакт ниту со Луис Енрике. Мислам дека станува збор за одличен избор, Мартино забележа одлични резултати со Парагвај и со Њуелс Олд Бојс. Нема да ни биде лесно во новата сезона”, изјави Меси.