Златан Ибрахимовиќ и покрај најавите дека денес ќе се запознае со својт „најголем фан“ 8-годишниот Хајрудин Камењаш од Сараево, сепак според најновите извори тој тоа ќе го стори следната недела.
Малечкиот Хајрудин е 8-годишно детенце од Сараево кое е огромен фан на ѕвездата на ПСЖ, и кое боледува од леукемија, требаше денес да се запознае со својот фудбалски идол.
Хајрудин е во последните фази од болеста и според докторите во Сараево, му преостанува околу 1 месец живот.
Ибрахимовиќ денес требаше да слета во Сараево за да му ја исполни желбата на детенцето и да се запознае со него. Но, според босанските медиуми кои исконтактирале со менаџерот на Ибрахимовиќ, тој тоа ќе го стори следната недела, бидејќи нема слободно време во збиената агенда на фудбалерот.
Златан Ибрахимовиќ денес наполни 32 години, а вчера со два гола помогна во победата на ПСЖ над Бенфика од второто коло во ЛШ.