Домаќинот на 20-то СП во фудбал, селекцијата на Бразил со победа од 3-1 над Хрватска го започна првиот натпревар во групата А од ова голобално натпреварување во фудбал.
На Арената во Сао Паоло, резултатот го отвори Марсело откако со авто-гол во мрежата на Жулио Сезар и донесе предност на Хрватска од 1-0 уште во 10-та минута. Хрватите го зачуваа водството се до 29-та минута од натпреварот кога Нејмар погоди за израмнување од 1-1. Топката од Нејмар се удри од стативата на голманот Стипе Плетикоса и таа ја помина линијата на голот а 1-1 беше резултатот со кој двете селекции заминаа во соблекувалните на полувремето.
Во второто полувреме повторно Нејмар беше тој кој прецизно биеше, но овој пат од белата точка по пеналот кој беше досуден за Бразил. Плетикоса успеа за момент да ја фати топката од Нејмар, но и да ја смести во голот. Конечниот резултат го постави Оскар откако во судиското продолжение, при крајот на натпреварот погоди за победа на Бразил од 3-1.
По одигрувањето на воведниот натпревар во Групата А, Бразил се наоѓа на првата позиција на табелата со освоени 3 бода, додека пак Нејмар е моментален прв стрелец со 2 постигнати тола.
За денешниот втор ден од СП се закажани 3-натпревари. Мексико-Камерун од групата А, Шпанија- Холандија и Чиле- Австралија од групата Б. Особено интересен е натпреварот во Салвадор помеѓу двата финалисти од претходното СП пред 4 години во Ј. Африка, селекциите на Холандија и актуелниот светски првак, Шпанија.