Репрезентацијата на Италија успеа да стигне до победата во „дербито“ на првото коло на Светското првенство во Бразил. Во дуелот на екс шампионите (заедно имаат пет титули) ноќеска Италија во Манаус славеше со 2:1.
Головите за „азурите“ ги постигнаа Клаудио Маркизио во 35.минута и Марио Балотели во 50.минута, додека стрелец за Англија во 37.минута беше Даниел Стариџ.
На вториот натпревар во групата „Д“ одигран синоќа изненадување направи Костарика, која со 3:1 го победи Уругвај кој водеше со голот на Единсон Кавани во 24.минута од пенал. Во 54.минута изедначи Џоел Кембел, а три минути подоцна Оскар Дуарте донесе водство од 2:1. Конечните 3:1 ги постави Маркос Урења во 84.минута.
Во групата Д по три бодови имаат Италија и Костарика, а без бодови се Англија и Уругвај.
Во Ресифе, Брегот на Слоновата коска ја победи Јапонија со 2:1, иако Јапонците водеа од 16.минута со голот на Хонда. Пресвртот беше направен за три минути со головите на Вилфред Бони (64.минута) и на Жервињо (66).
Во групата Ц Колумбија ја совлада Грција со 3:0. Во оваа група Колумбија и БСК имаат по три бодови, а Јапонија и Грција се без бод.
Денеска на Мундијалот се играат три натпревари: Швајцарија – Еквадор (Е група - 18 часот), Франција – Хондурас (Е група - 21 часот) и Аргентина – Босна и Херцеговина (Ф група – 24 часот).