Засилувањето во нападот на Јувентус шпанскиот фудбалер Алваро Мората кој пред три дена дојде во италијанскиот шампион од Реал Мадрид за сума од 20 милиони евра се повреди уште на еден од првите тренинзи во новата средина.
Како што јавуваат италијанските медиуми Мората го повредил коленото и го напушти теренот. Ќе се чекаат медицинските извештаи за да се знае колкава пауза го очекува Мората, а прогнозите велат најмалку месец дена.
Во најистурената линија, новиот тренер на Јувентус Масимилијано Алегри ги има и Карлос Тевез и Фернандо Љоренте.