Премиерлигашот Манчестер Јунајтед ќе издвои 56 милиони евра за откуп на договорот на Радамел Фалкао од Монако, пренесува порталот „Goal.com“.
Колумбискиот напаѓач летоска дојде на „Олд Трафорд“ како позајмен играч со опција Манчестер да го откупи целиот негов договор на крајот на сезоната, клаузула што „црвените“ ќе ја искористат.
Раководството на Јунајтед е задоволно од игрите на Фалкао, иако тој пропушти неколку натпревари поради повреди.
28-годишнот Колумбиец настапувал и за Лансерос, Ривер Плата, Порто и Атлетико Мадрид.
За репрезентацијата на Колумбија одиграл 54 натпревари и постигнал 21 погодок.