Двете екипи од Манчестер, Јунајтед и Сити, ќе се обидат да го ангажираат фудбалерот на Барселона, Иван Ракитиќ, за кој се смета дека не успеал да одговори на потребите на Луис Енрике и сезонава не игра во најдобра форма.
Од друга страна и Ракитиќ не е задоволен од третманот кој го има во клубот, односно од минутажата, па поради тоа од Јунајтед и Сити сметаат дека ќе може да го убедат да се пресели кај нив.
Ова не е ништо нови за тимовите од Манчестер на кои им треба квалитетен играч од средниот ред. Тие и претходно го бараа Ракитиќ, но тој се одлучи за Барселона. Сепак, оваа информација е потполно спротивна на изјавите кои Ракитиќ ги дава од првиот ден во клубот дека е среќен во клубот и дека му е задоволство што може да тренира и да игра заедно со играчи како што се Меси, Чави, Иниеста, Нејмар...