Уругвајскиот репрезентативец во дресот на Барселона, Луис Суарез рече дека претстојниот натпревар со Реал Мадрид закажан за в недела има огромна важност и е со тежина на финале.
- Сите дерби средби меѓу Барселона и Реал Мадрид се со посебен шарм, но претстојното има голема важност и може да се каже дека е финале. Од исходот на тој дуел во многу ќе зависи кој че биде шампион. Најверојатно победа за еден од тимовите е голем исчекор до трофејот во Примера, истакна Суарез.
Уругваецот додава дека Реал е противник со голем број квалитетни играчи, но како што вели, и тие имаат свои слабости и ако неговите соиграчи ги искористат ќе стигнат до позитивен резултат.
Барселона е лидер пред Реал со еден бод предност по 27 одиграни рунди во Примера.