Најстариот фудбалски клуб, Шефилд, кој во моментов е активен во осмата англиска северна лига, преку социјалната мрежа Фејсбук сака да го ангажира Јирген Клоп, тренерот кој најави дека по завршувањето на сезоната ќе си замине од клупата на Борусија Дортмунд.
„Драг Јирген Клоп, ако сакате вистински предизвик, во Англија, тогаш би ни било навистина драго да ги почнеме преговорите“, стои во постот на Шефилд.
Шефилд е основан 1857 година со што и официјално e најстар фудбалски клуб. Тие во моментов ја заземаат 16. позиција во северната Премиер-лига, која е осма по квалитет во Англија.