Добри вести дојдоа од српската престолнина, откако Црвена звезда објави дека Огњен Кузмиќ бил изваден од вештачката кома во четвртокот вечер.
Раководството на „црвено-белите“ додава дека кошаркарот веќе е свесен и се чувствува добро, а неговото опоравување оди во позитивна насока.
Потсетуваме дека Кузмиќ претрпе сериозни повреди на главата и градите во сообраќајна несреќа во Босна и Херцеговина и беше задржан неколку дена во медицинска кома.
Дваесет и девет-годишниот Србин потпиша договор со „звездашите“ во почетокот на јули, откако претходно две сезони беше дел од тимот на Реал. Центарот, висок 214 сантиметри, има титула од Евролигата со „белите“, а со српската репрезентација има сребрен медал од ЕП 2017 година.