Македонскиот олимписки комитет денеска ги прими македонските кошаркари и им оддаде почест за историскиот успех на македонската кошарка и на македонскиот спорт.
Како што соопшти МОК, претседателот на Кошаркарската федерација на Македонија Даниел Димевски се заблагодарил за помошта која Комитетот им ја пружил на кошаркарите.
Васил Тупурковски, претседател на МОК истакнал дека е големо задоволството и гордоста на Комитетот имајќи го сознанието дека прв пат во историјата на македонскиот екипен спорт имаме репрезентација која ќе учествува на квалификации за Олимписките игри.
На средбата, се разговарало за претстојните квалификации за Олимписките игри за кои канцелариите на МОК и на КФМ ќе се обидат да ја добијат организацијата на квалификациониот турнир за Олимписките игри во Лондон 2012.