Македонскиот кошаркар во НБА лигата Перо Антиќ и неговата екипа Атланта ноќеска на домашен терен славеа победа над екипата со најдобар скор во лигата Индијана со 97:87 (25:12; 24:20; 30:34; 18:21).
Антиќ натпреварот го заврши со 16 поени (вторпат сезонава), а имаше и 4 скокови. Половина од поените Антиќ ги постигна на стартот од натпреварот кога Атланта поведе со 12:0.
Инаку, најефикасен кај Атланта беше Кајл Корвер со 17, а играчите од клупа Елтон Бренд и Мајк Скот постигнаа по 15.
Преглед на ноќешните резултати: Сан Антонио – Далас 112:90, Торонто – Детроит 112:91, Атланта – Индијана 97:87, Бруклин – Голден Стејт 102:98, Њу Орлеанс – Вашингтон 96:102, Хјустон – ЛА Лејкерс 113:99, Минесота – Феникс 103:104, Портланд – Орландо 110:94 и ЛА Клиперс – Бостон 111:105.
Вечерва се играат два натпревара Њујорк – Мајами и Денвер – Оклахома Сити.
Пласман Источна конференција: Индијана 28-7 (победи-порази), Мајами 27-8, Атланта 19-17, Торонот 17-17, Вашингтон 16-17, Чикаго 15-18, Шарлот 15-21, Бруклин 14-21,...
Пласман Западна конференција: Сан Антонио 28-8, Оклахома Сити 27-8, Портланд 27-9, ЛА Клиперс 25-13, Хјустон 23-13, Голден Стејт 24-14, Феникс 21-13, Далас 20-16,...