Екипата на Вардар оствари победа на последниот натпревар од лигашкиот дел од СЕХА лигата откако попладнево славеше на гостувањето кај белорускиот тим Мешков Брест со 32:30.
Вардар на ова гостување играше со девет играчи, од кои двајца беа голмани. Со оваа победа Вардар заврши на второто место на табелата, веднаш зад првакот Веспрем и следен ривал на македонскиот шампион во Лигата на шампионите.
Најефикасни на дуелот беа „вардарците“ Лука Циндриќ со 9 и Дејан Манасков со 8 голови.
Двете екипи веќе во петок ќе бидат дел од завршниот турнир што ќе се игра во Вараждин. Во првото полуфинале од 18 часот Мешков Брест игра против Веспрем, додека од 20:30 часот е дуелот меѓу Вардар и ППД Загреб.
Во недела се играат дуелите за третото место и финалето.
Конечна табела: Веспрем 50 бодови, Вардар 44, ППД Загреб 42, Мешков Брест 36, Татран Прешов 28, Нексе 25, Војводина 15, Борац 11, Спартак 10, Макс Струмица 2.