Германката Анжелик Кербер е победничка на Грен слемот УС Опен, откако синоќа во финалето беше подобра од Каролина Плишкова со 2-1.
Првиот сет германската тенисерка го доби со 6:3, Плишкова изедначи по 6:4 во вториот сет, а со ист резултат (6:4) Кербер го доби третиот сет за конечен триумф.
За Кербер ова е втор трофеј од Грен слем турнирите оваа година, претходно на почетокот од 2016. победи и на Австралија Опен во Мелбурн.
Добрите игри и победата во Њујорк, на Кербер од понеделник ќе и овозможат да се искачи на првото место на Светската ранг листа.
На УС Опен вечер од 22 часот ќе стартува машкото финале во кое учествуваат Новак Ѓоковиќ (Србија) и Стан Вавринка (Швајцарија).