Тренерот на Еурофарм Пелистер, Бранислав Ангеловски, ги искажа своите впечатоци по синоќешниот пораз од Пик Сегед.
- Сакам да им се заблагодарам на играчите кои веруваат во тоа што го работиме на тренинг. Веруваат дека сме блиску до победа и за краток рок ќе дојдеме до неа. Победата ја заслужуваат сите, првенствено навивачите и сите битолчани кои се осми играч. Мора да останеме мирни и фокусирани за да бидеме сплотени. Во Лигата на шампионите има силни ривали, ние треба да го билдаме своето име и да направиме респектабилна екипа за годините кои следат. Сметам дека имаме иднина, изјави тренерот на македонскиот ракометен шампион.
Еурофарм Пелистер вчеравечер претрпе минимален пораз во Лигата на шампиони од Пик Сегед. Гостите со гол во последните секунди славеа со 28:27.