Скопје, 13 ноември (МИА) - По повод одбележувањето на 13 ноември, Денот на ослободувањето на Скопје утре со почеток од 18 часот ќе се одржи ноќна трка низ улиците на главниот град.
Стартот и целта ќе бидат на плоштадот Пела, а предвидени се трки на 1.200 метри и 3.600 метри. Трките кои се во организација на Сојузот на спортови на Скопје и Атлетскиот клуб Работнички ќе бидат од отворен карактер а пријавувањето на учесниците ќе се врши на денот на трката во периодот од 17 до 18 часот.
Покровителот на трките Градот Скопје за најуспешните обезбеди парични награди. Во времетраењето на трките наколку улици во центарот на Скопје ќе бидат затворени за сообраќај.