Денеска во кошаркарското првенство на Македонија на програмата се првите средби од разигрувањето за шампионската титула.
Во полуфиналето од „плеј-оффот“ кое се игра во три добиени натпревари екипата на Вардар Осигурување ќе стартува со предност од 1:0 во дуелот со Овче Поле поради подобриот скор во меѓусебните средби во Лигата.
Почетокот на натпреварот e 19 часот во салата „Борис Трајковски“ во Скопје.
Фени Индустри и Торус од нула ќе ја започнат меѓусебната пресметка бидејќи во лигашкиот дел резултатот беше 2:2 во победи.
Почетокот на натпреварот во Кавадарци е закажан за 18 часот.