Со одигрувањето на натпреварот број два од полуфиналето меѓу Торус и Фени Индустри ќе продолжи кошаркарскиот плеј-оф.
Резултатот во победи е 1:0 за кавадарчани, па средбата која вечерва во салата „Градски парк“ започнува во 18 часот е шанса за домаќинот да го изедначи резултатот. Торус во натпреварите од лигашкиот дел два пати го има победено Фени Индустри на домашен терен.
Во второто полуфинале освојувачот на стартната позиција број 1 во плеј-офот, Вардар Осигурување води со 2:0 во победи против Овче Поле и е апсолутен фаворит за пласман во големото финале. Нивниот следен натпревар треба да се одигра в недела во Свети Николе со почеток од 19 часот и 30 минути.
За пласман во финалето се потребни три победи.