И вториот македонски претставник во 2.коло од ЕХФ купот доживеаја пораз во првиот натпревар. Ракометарите на Пелистер загубија на гостувањето кај Дуделанж во Луксембург со 20:17.
Лошиот почеток битолчани го корегираа и на полувремето беше 9:9. Во второто полувреме повторно Дуделанж беше поефикасен и на крајот славеше со три голови предност.
Во редовите на Пелистер голманот Тосковски имаше 15 одбрани, а најефикасен беше Златко Димитровски со 5 голови.
Во саботата и другиот македонски претставник во ЕХФ купот претрпе пораз. Металург на гостувањето во Белорусија загуби од Брест со 28:23.
Реванш натпреварите се играат во сабота на 9 октомври во Битола, односно во Скопје.