Атлетичарот Кокан Ајановски беше единствениот учесник од Македонија кој во саботата во Прага настапи на „Прашкиот полумаратон“ како најдобро пласиран Македонец на минатогодишната полумаратонска трка во склоп на „Скопскиот маратон“.
Ајановски со време од 1 час 20 минути и 40 секунди на крајот го освои 83 место од 9.000 натпреварувачи.
Ова трка беше дел од златната серија на улични трки на Светската атлетска асоцијација - ИААФ.
На покана на организаторите на трката присуствуваше и директорот на „Скопски Маратон“, Кире Синадиновски кој во Прага оствари средби со челните луѓе од Прашкиот полумаратон, како и со неколку организатори од други маратони од Европа. Ваква соработка во следниот период ќе биде продлабочена со што би им се овозможило на најдобрите Македонци кои учествуваат на „Скопскиот Маратон“ да бидат дел од вакви големи маратони.
„Скопскиот маратон“ во Прага беше промовиран со 9 илјади флаери кои беа дел од стартните пакети на натпреварувачите.
Оваа година маратонот во главниот град на Македонија ќе се одржи на 8 мај.