Одбојкарската федерација на Македонија по завршување на настапите на машката и женската репрезентација во Струмица испрати голема и искрена благодарност до најдобриот македонски фудбалер на сите времиња Горан Пандев за поддршката која тој има ја даде во изминатиов период.
-Упатуваме голема и искрена благодарност до нашата фудбалска легенда @goranpandev19 за несебичната поддршка на женскиот и машкиот одбојкарски национален тим на Македонија во изминатиов период.
Благодариме што хотел „Горан Пандев“ беше дом далеку од дома за нашите репрезентативци и што е дел од нашата убава спортска приказна! – стои во објавата на ОФМ.
Македонските одбојкари вчеравечер во Струмица ја победија Црна Гора со 3:0 и изборија опстанок во ЦЕВ Европската Златна лига.