Македонското знаме се вееше на вчерашната етапа на Тур де Франс. Најмалку двајца македонски љубители на велосипедизмот или на планината, вчера го развија македонското знаме на една од најтешките и највозбудливите етапи на најпрестижната велосипедска трка во светот.
Ретки беа телевизиските гледачи во Франција и во светот, кои не го забележаа македонското знаме, неговите носители го развија само на десетина метри, во последната кривина пред целта на врвот Галибие - Сер Шевалие на надморска височина од 2.645 метри надморска височина, добро видливо во телевизискиот кадар.
Лидерот на трката, французинот Тома Воклер во епски напори успеа да ја зачува жолтата маичка, зачувувајќи предност од само 15 секунди пред луксембуржанецот Анди Шлек кој заедно со неговиот брат Франк ја анимираа вчерашната осумнаесетта етапа, во која ланскиот победник шпанецот Алберто Контадор ги изгуби шансите да победи и годинава.
На само три етапи пред пристигнувањето на Елисејските полиња, победникот е неизвесен, Воклер, браќата Шлек и Еванс сите имаат шанса да победат на Тур де Франс.
Тур де Франс е најгледаниот спортски настан во светот по Олимписките игри и Светското првенство во фудбал.