За вториот тенисер на светот прес-конференцијата по победата над аргентинецот Давид Налбандијан во третиот круг на УС опен требаше да биде само рутинска работа, но тоа се претвори во доста шокантна сцена.
Всушност, штом тој почна да дава изјава, замолче, го покри лицето и се завлече под маса.
Шпанецот лежеше околу десет минути, по што успеа да ја продолжи прес конференцијата.
- Тоа беше само силен грч во мојата десна нога, но овој пат навистина болеше. Тоа не е ништо страшно, често се случува на спортистите, и ако ова се случеше на тренинг ,или пак на натпревар никој немаше ни да забележи. изјави Надал.