Македонската машка ракометна репрезентација бодрена од околу 4.000 навивачи освои еден бод по вчерашниот натпревар против четирикратниот европски првак, репрезентацијата на Шведска.
Шведскиот селектор призна дека бил пријатно изненаден од атмосферата која ја создадоа македонските навивачи во салата во Ниш. Српскиот град во кој Македонија ги игра натпреварите буквално е преплавен од Македонци. На улиците се слуша само нашиот јазик, во кафаните се пеат македонски песни, додека во салата постојат само две бои, џрвено-жолтата. Нашата репрезентација и на утрешниот натпревар против фаворитот Германија ќе ја има истата поддршка која ја имаше против Шведска, без разлика на фаворитската улога на противникот.
Но, спортските возбудувања за македонските фанови не сопираат тука. Од денеска и македонската машка ватерполо репрезентација ќе се натпреварува на Европско првенство во Ајндховен. Македонските ватерполисти ќе се натпреваруваат во групата А заедно со репрезентациите на Грција, Унгарија, Италија, Турција и домаќинот Холандија. Па спортски да навиваме и да ги бодриме нашите најдобри ракометари и ватерполисти до нови успеси.