Македонската ракометна репрезентација во второто коло на Европското првенство во Србија го доживеа првиот пораз. Во Ниш синоќа бевме совладани од Германија. Но, и покрај поразот не се загубени шансите за пласман во следната фаза.
- Не заслуживме пораз од Германија. Тешко е да се победи ваква репрезентација која има помош од судиите. Не бевме присебни на крајот, штета што не победивме. За Германија овој натпревар беше се или ништо. Наша грешка е што не реализиравме два пенала, промашивме неколку удари со играч повеќе и чисти ситуации. Се беше свртено против нас, истакна капитенот Кирил Лазаров.
Селекторот Ѕвонко Шундовски истакна дека немавме среќа, иако игравме добро.
- За следниот натпревар со Чешка ќе мора да ја подобриме играта со играч повеќе, рече Шундовски.
Следниот натпревар Македонија против Чешка го игра в четврток од 20:15 часот и само со победа нашите ракометари ќе ги продолжат натпреварите во следната фаза на ЕП во Србија.