Македонската ракометна репрезентација вечерва во Ниш со шест гола разлика ја победи Чешката селекција и обезбеди пласман во следната фаза од Европското првенство што се одржува во Србија.
Македонските ракометари во текот на натпреварот кој заврши 27:21 покажаа силна и борбена игра и во поголемиот дел од дуелот резултатот беше во корист на „црвено жолтите“.
И покрај изедначениот резултат на полувремето, во вториот дел македонската екипа 30 минути ја имаше предноста со повеќе од два гола.
Во вотрото полувреме нашите репрезентативци успеаа да ја затворат силната средна бековска линија на противникот, а одличните одбрани на голманот Борко Ристовски беа одлучувачки во последните минути од натпреварот и дополнителен мотив за ракометарите максимално да поентираат и во вистински момент да ја затресат мрежата на чешкиот голман.
Најефикасен играч во македонскиот состав беше капитенот Кире Лазаров со постигнати седум гола, а на спротивната страна Филип Јиха успеа да поентира пет пати.
На првото место во нашата група е Германија со четири бодови, потоа следуваат Македонија и Шведска со по три, додека репрезентацијата на Чешка отпадна со два бода.
Македонската селекција одигра нерешено со Шведска и во драматичен натпревар изгуби со еден гол разлика од Германската репрезентација.