Ватерполо репрезентацијата на Македонија денеска со почеток од 14 часот игра против Романија во натпревар за пласман на Европското првенство, кој ќе обезбеди учество на квалификациите за Олимпијадата во Лондон.
Со евентуална победа над Романија, македонските ватерполисти ќе бидат најмалку десетоласирани на ЕП во Ајндховен, Холандија и ќе станат втората македонска репрезентација (по кошаркарската) која преку дополнителни квалификации ќе бара место на Олимписките игри. Олимпискиот квалификациски турнир ќе се игра во Едмонтон, Канада, од 1 до 7 април.
Освен учество на квалификацискиот турнир, подобриот од овој натпревар ќе има можност да игра со актуелниот европски првак Хрватска, во натпревар за пласман од 7 до 10 место. Евентуални две победи на македонските ватерполисти (против Романија и Хрватска) и пласман на 7 или 8 место, покрај учество на турнирот во Канада, ќе значи и пласман на Македонија на Светското првенство.