Ватерполо репрезентацијата на Македонија попладнево е поразена од Романија со 12:10 во натпревар за разигрување за пласман од седмото до десеттото место на Европското првенство во Ајндховен (Холандија). По овој пораз Македонија ќе игра за 11-тата позиција, со што не успеа да избори учество на предолимпискиот квалификациски турнир во Едмонтон, Канада.
Резултатот по четвртини беше 1:1; 3:4; 3:4 и 3:3. Клучна за победата на Романците беше серијата од 4:0 која се случи во третата четвртина при резултат 5:5. Тогаш тие поведоа со 9:5 и рутински ја задржаа предноста до крајот на натпреварот.
Головите за Македонија ги постигнаа Мирослав Ранџиќ 3, Владимир Кречковиќ 2, Саша Мишиќ 2, Милан Петровиќ 2 и Иван Вуксановиќ 1.
За 11-тото место Македонија ќе игра против поразениот од дуелот Шпанија - Турција кој се игра попладнево.
За денеска на еврошампионатот се предвидени и двата четвртфинални натпревари: Италија - Германија и Грција - Црна Гора.