Ракометарите на Вардар Про вечерва од 20 часот и 15 минути играат натпревар од СЕХА лигата. „Црвено-црните“ гостуваат кај поранешниот европски првак Металопластика. Со евентуален триумф над Металопластика, Вардар Про со натпревар повеќе од конкурентите би избил на чело на табелата во ова натпреварување.
Утре во 18 часот во салата „Автокоманда“ во Скопје вториот наш претставник во ова натпреварување Металург за противник го има тимот на Борац од Бања Лука, исто така поранешен европски шампион.
Табела: Загреб 38 бодови (15 натпревари), Вардар Про 38 (16), Металург 30 (13), Нексе 30 (16), Татран Прешов 28 (14), Борац 23 (15), Ловќен 21 (15), Металопластика 14 (14), Босна 10 (10), Извиѓач 7 (15), Сутјеска 4 (14), Црвена Ѕвезда 3 (13).