Скопје, 22 февруари 2012 (МИА) - Ракометарите на Вардар Про синоќа на гостувањето во Шабац минимално ја совладаа Металопластика со 23:22 и со новите три бодови избија на првата позиција на табелата во СЕХА лигата.
Во изедначен натпревар „црвено-црните“ во последната минута преку Стеван Вујовиќ поведоа, а потоа голманот на Вардар Про, Владимир Абаџиќ го одбрани ударот на домашните играчи.
Најефикасни на натпреварот со по 6 голови беа Ратко Николиќ кај Вардар Про и Милош Митровиќ кај Металопластика.
Денеска ќе се одиграат четири натпревари од ова натпреварување. Македонскиот првак Металург во салата во „Автокоманда“ ја пречекува екипата на Борац Бања Лука. Почетокот на натпреварот е во 18 часот.
На другите три натпревари играат: Сутјеска – Нексе, Босна – Татран Прешов и Загреб – Црвена Звезда.
Табела: Вардар Про 41 бод (17 натпревари), Загреб 38 (15), Металург 30 (13), Нексе 30 (16), Татран Прешов 28 (14), Борац 23 (15), Ловќен 21 (15), Металопластика 14 (15), Босна 10 (10), Извиѓач 7 (15), Сутјеска 4 (14), Црвена Звезда 3 (13).