Македонската стрелачка Оливера Наковска Бикова денеска постави светски рекорд во стрелање со воздушен пиштол на Параолимписките игри во Лондон.
Во квалификациските борби на стрелачкиот турнир, Наковска Бикова постигна 381 кругови, што е најдобар резултат во светот.
Оливера Наковска Бикова го освои и златниот медал во стрелање со воздушен пиштол на Параолимписките игри во Лондон. Таа беше убедливо најдобра во квалификациите, постигнувајќи нов светски и параолимписки рекорд со 381 кругови.
Ова е трета Параолимпијада на која учествува Наковска-Бикова. Пред осум години во Атина таа беше шеста, на Игрите во Пекинг во 2008 година се пласира на петтото место, додека на Параолимписките игри во Лондон таа за прв пат во нејзината кариера стана параолимписки шaмпион.
Воздушен пиштол е специјалност на Оливера Наковска Бикова.
Тренерот Бранимир Јовановски, очекува Наковска Бикова и вториот наш претставник Ванчо Каранфилов да се пласираат во финалето во стрелачките натпревари во барем една од трите дисциплини во кои учествуваат на Параолимпијадата во Лондон. Каранфилов е параолимписки вицешампион од Игрите во Атина, пред осум години.