Македонскиот претставник во Лигата на шампиони во ракомет, Металург го забележа првиот пораз во групата Ц, откако во салата Борис Трајковски во Скопје беше поразен од полскиот ВивеТарги Киелце.
Конечниот резултат по петтото коло во Скопје гласеше 21-23 за тимот од Автокоманда. Првите 5 минути од првото полувреме беа тензични и во тие 5 минути беа постигнати само 2 гола од двата тима.
Првото водство Металург го забележа дури во 12-та минута кога дојде до резултат 5-4 а во следните неколку минути стигна и до 7-4 предност над Киелце. На полувремето ракометарите заминаа во соблекувалните со резултат 12-10.
Киелце за прв пат поведе во 49-та минута и резултатот гласеше 19-18 за гостите. Во второто полувреме Металург забележа пад во концентрацијата и цели 7 минути тимот на Лино Червар не постигна гол, се до голот од Дејан Манасков. На 6 минути пред крајот на натпреварот Металург благодарение на пеналот од Ренато Вугринец успеа да се доближи на само еден бод негатива и резултат 20-21, но не успеа да направи пресврт и конечниот резултат на семафорот гласеше 21-23 за Металург.
Најефикасен ракометар во тимот на Червар беше Ренато Вугринец, додека пак Дарко Станиќ го заврши натпреварот со 10 одбрани.