На Медитеранските игри во турскиот град Мерсин, денеска ќе настапат три македонски репрезентации. Ракометарите ќе играат против Србија во натпревар од 3.коло на групата Б. Доколку сакаат да ги сочуваат шансите за пласман во полуфиналето, тогаш за нашите ракометари друга опција освен победа нема. Натпреварот ќе почне во 15 часот.
Еден час подоцна и ракометарките ќе го одиграат својот натпревар против Шпанија, последен во групната фаза, во која досега претрпеа три порази од Хрватска, Словенија и Тунис.
По вчерашната победа над Албанија, фудбалската селекција на Македонија до 19-години, денеска против Босна и Херцеговина ќе игра во дуелот за 5. место, кој ќе почне од 19 часот.