На вториот ден од женскиот Мастерс во Истанбул синоќа втората победа на турнирот ја постигна Серена Вилијамс. Таа во рамки на меч од „црвената група“ ја совлада Агнешка Радванска со 2:0 во сетови и со две победи обезбеди пласман во полуфиналето.
Другите два меча беа од „белата група“. На Ли ја совлада Сара Ерани со 2:0 во сетови и со победа стартуваше на мастерсот, додека Ерани го забележа првиот пораз. Јелена Јанковиќ, успеа да ја совлада Викторија Азаренка со 2:0 во сетови.
По првите два дена од Мастерсот табелите во двете групи го имаат следниот изглед.
Табела „црвена група“: Вилијамс 2-0 (победи-порази), Квитова 1-0, Кербер 0-1, Радванска 0-2.
Табела „бела група“: Ли 1-0, Јанковиќ 1-0, Азаренка 1-1, Ерани 0-2.
Денеска на програма се мечевите: Ли – Јанковиќ, Радванска – Кербер и Вилијамс – Квитова. Првиот меч почнува во 16 часот.