Скопје, 23 февруари 2014 (МИА) – Ракометарите на Металург вечерва во СЦ „Борис Трајковски“ во Скопје пред 7.000 гледачи остварија голема победа против една од најдобрите светски екипи Барселона со 31:29 (полувреме 15:11).
Во натпревар кој немаше резултатско значење околу изгледот на табелата, се играше жестоко, со многу дуели и со голема желба на „металурзите“ да ја прекинат серијата на Каталонците од 36 натпревари во низа без пораз.
Најефикасни во нашиот тим беа Лука Циндриќ со 7 голови, Гоце Георгиевски и Ренато Вугринец запишаа по 6 погодоци, Филип Миркуловски 5.
На голот Никола Митрески девет пати ги сопре ударите на противничките ракомеатри, Дарко Станиќ забележа седум одбрани.
Вчера вториот македонски претставник во Лигата на шампионите, Вардар загуби во Париз од ПСЖ со 35:25.
Табела Ц група: Барселона 17 бодови, ПСЖ 13, Металург 12, Вардар 10, Динамо Минск 7, Тун 1.
Во ТОП 16 се пласира првите четири пласирани екипи. Жрепката за следната фаза е во вторник.