Во извонредна атмосфера во СЦ Борис Трајковски ракометарите на Металург си ја отворија врата кон четврфиналето со победа над Колдинг.
Во извонредна игра која беше надополнета со одличниот Дарко Станиќ кој забележа 15 одбрани, нашите вице шампиони го добија натпреварот со 23-17. Во текот на целиот натпревар нашите ракометари имаа водство кое на моменти достигнуваше и разлика од 7 голови.
Покрај голманот Станиќ голема заслуга за победата имаше и Ренато Вугринец кој постигна 13 голови.
Податокот дека Колдинг успеа да постигне само 17 голови е доволен податок за извонредната игра на Металург.
Се надеваме дека реваншот ќе биде само рутина за нашите ракометари.