По четири часа исцрпна игра на турнирот Вимбелдон, Новак Ѓоковиќ успеа да го порази кралот на теренот на трева, Роџер Федерер. Ѓоковиќ иако започна одлично, му беше тешко постојано да ја оддржува играта против Федерер, кој го следеше секој негов чекор. Иако со мала повреда, на крај тој успеа до победи со 3:2 во сетови.
- Ја почитувам твојата кариера и ти благодарам што ми дозволи да победам денес. Се надевав дека Федерер ќе го промаши првиот сервис, но тоа ретко се случува. Токму затоа има 17 титули. Бидејќи го изгубив четвртиот сет не беше лесно да се вратам. Сепак, овој пехар сакам да го посветам на мојата идна сопруга и на моето бебе. Наскоро ќе станам татко, па се подготвувам за тоа големо задоволство. Го посветувам и на моето семејство, на браќата, на мојот тим и на мојот прв тренер, низ солзи изјави Новак.
Неговиот тим, а и цела Србија се израдува за неговиот успех . Токму Вимбелдон бил првиот турнир кој Ноле го гледал на 5 годишна возраст и оттогаш му било сон еден ден да се натрпеварува и да го освои.
- Уште кога стапнав на теренот знаев дека ова ќе биде еден тежок меч, но му честитам на Ѓоковиќ за победата, изјави Федерер.
Честитки на Ѓоковиќ и Федерер му упатија и војводите од Кембриџ, Вилијам и Кејт.